Reseıdegi úsik Qazaqstannyń azyq-túlik naryǵyna áser etedi – sarapshy
Mamyr merekesi kezinde Reseıdiń birqatar óńirinde kún buzylyp, tipti Máskeýde mol qar jaýǵan bolatyn. Osy oraıda sarapshy Kırıll Pavlov úsik jemis baqtaryna teris áser etkendigin aıtady. Sonyń saldarynan Reseıdiń azyq-túlik naryǵynda birqatar ónimge suranys artýy yqtımal.
«Reseıdiń birqatar óńirinde qulpynaı men jemis baqtary úsip qaldy. Búgin Tambov oblysynda astyq daqyldaryn da úsik shaldy. Qalaı desek te, mundaı tabıǵı ózgeris azyq-túlik naryǵyna áserin tıgizedi. Sondyqtan suranys bolady», - dedi ol.
Sarapshynyń atap ótýinshe, sońǵy ýaqytta Reseı ishki óndiriske basymdyq berip otyr. Al endigi ýaqytta naryqtaǵy belgili bir sátsizdikke baılanysty qajetti ónimdi ımporttaý arqyly ornyn toltyrýǵa tyrysady. Ol baǵaǵa da áser etetindigi anyq.
«Bul jaıt Qazaqstanǵa da tikeleı áser etýi múmkin. Eger Máskeý bizdiń ónimdi jaqsy baǵaǵa satyp alatyn bolsa, onda barlyǵy da azyq-túlikti sol jaqqa aparýǵa tyrysady. Al eger Qazaqstan eksportqa tyıym salsa, onda fermerler shyǵynǵa batady», - dedi Kırıll Pavlov.