Reseıde júrgen Qazaqstan azamattaryna pasport daıyndaý merzimi 30 kúnge deıin qysqartyldy

NUR-SULTAN. QazAqparat - 2022 jyldyń 10 shildesinen bastap Reseı aýmaǵynda «QR sheginen tys jerlerde turatyn Qazaqstan azamattaryna pasporttardy rásimdeý» boıynsha memlekettik qyzmetti elektrondyq formatqa kóshirý boıynsha «pılottyq jobasy» bastaldy.

QR Syrtqy ister mınıstrligi baspasóz qyzmetiniń habarlaýynsha, atalǵan joba Reseıde turyp jatqan Qazaqstan azamattaryna Qazan, Omby, Sankt-Peterbýrg jáne Astrahan qalalaryndaǵy QR konsýldyq mekemeleri arqyly pasportty 80 kúnniń ornyna 30 kún ishinde resimdeýge múmkindik beredi.

«Búgingi tańda elektrondyq qujattandyrý júıesi Qazaqstannyń BAÁ (Ábý-Dabı, Dýbaı qalalary), Germanııa (Berlın, Maındaǵy Frankfýrt, Mıýnhen, Gannover qalalary), Koreıa Respýblıkasy (Seýl), Reseı (Máskeý), AQSh (Vashıngton, Nıý-Iork, San-Frantsısko qalalary), Ózbekstan (Tashkent), Japonııa (Tokıo) men Túrkııadaǵy (Ankara, Ystanbul, Antalıa qalalary) sheteldik mekemelerinde sátti jumys isteıdi»,-delingen habarlamada.