Reseıde júkti áıelderdiń «Spýtnık V» vaktsınasyn alýyna ruqsat berildi

MÁSKEÝ. TASS – QazAqparat – Sarapshylar júkti áıelderge «Spýtnık V» vaktsınasyn egýdi maquldady. Bul týraly juma kúni RF Densaýlyq saqtaý mınıstri Mıhaıl Mýrashko málim etti, dep habarlaıdy QazAqparat TASS agenttigine silteme jasap.

«Búgin vaktsınanyń qaýipsizdigin tekserýdegi klınıkaǵa deıingi zertteýdiń oń nátıjelerin, sondaı-aq klınıkalyq zertteýler men tirkeýden keıingi kezeńdegi tıimdilik pen qaýipsizdik boıynsha jınaqtalǵan derekterdi eskere otyryp, sarapshylar júkti áıelderge «Gam-kovıd-vak» vaktsınasyn qoldanýǵa qarsy kórsetkishterdi alyp tastaý týraly sheshim qabyldady», - dedi ol koronavırýs ınfektsııasymen kúres boıynsha úılestirilgen keńeste.

Buǵan deıin Qazaqstandyq reprodýktıvti medıtsına qaýymdastyǵynyń prezıdenti, QR akademıgi jáne bas reprodýktology Vıacheslav Lokshın júkti áıelderdegi koronavırýs ınfektsııasynyń aǵymy týraly aıtqan bolatyn.