Reseıde janýarlarǵa arnalǵan koronavırýs vaktsınasy tirkeldi

MÁSKEÝ. TASS-QazAqparat – Reseıde Aýyl sharýashylyǵyn qadaǵalaý vedomstvosynyń ǵalymdary ázirlegen koronavırýstyń jańa túrine qarsy janýarlarǵa arnalǵan álemdegi alǵashqy vaktsına tirkeldi. Bul týraly vedomstvo basshysynyń orynbasary Konstantın Savenkov málim etti, dep habarlaıdy QazAqparat TASS-qa silteme jasap.

«Reseıdiń aýyl sharýashylyǵyn qadaǵalaý vedomstvosyna baǵynatyn Janýarlar densaýlyǵyn qorǵaý federaldy ortalyǵy ázirlegen, koronavırýs ınfektsııasyna qarsy etqorekti janýarlarǵa arnalǵan «Karnıvak-Kov» vaktsınasy Reseıde tirkeldi. Bul COVID-19-ǵa qarsy janýarlarǵa arnalǵan álemdegi alǵashqy jáne qazirgi ýaqytta jalǵyz profılaktıkalyq preparat», - dedi ol.

Ol ótken jyldyń qazan aıynda bastalǵan vaktsına ıt, mysyq, túlki, kúzen, jáne basqa da janýarlarda klınıkalyq synaqtan óten.

«Zertteý nátıjeleri vaktsınanyń zııansyzdyǵy men onyń joǵary ımmýnogendik belsendiligi týraly qorytyndy jasaýǵa múmkindik beredi, óıtkeni barlyq vaktsınalanǵan janýarlarda 100% jaǵdaıda koronavırýsqa antıdene paıda boldy», - dep sendirdi ol.

Savenkovtyń aıtýynsha, sonymen qatar vedomstvo ǵalymdary preparat engizilgennen keıin ımmýnıtettiń qansha ýaqytqa damıtynyn zertteýdi jalǵastyrýda. «Búgingi tańda bul kórsetkish kem degende alty aıdy», - dedi ol.