Reseıde zertteý aıasynda 6-11 jastaǵy balalar koronavırýsqa qarsy egiledi

MÁSKEÝ. QazAqparat – Reseıde zertteýler aıasynda 6-11 jastaǵy balalardy koronavırýsqa qarsy vaktsınalaý júrgiziledi. Bul týraly Gamaleıa atyndaǵy ortalyq dırektory Aleksandr Gıntsbýrg málim etti, dep habarlaıdy QazAqparat TASS agenttigine silteme jasap.

«Koronavırýsqa qarsy vaktsınany klınıkalyq zertteý úshin 6-7 maýsymda statsıonarǵa balalar ata-analarymen birge erikti túrde jatqyzylady. Bul úsh kúnge sozylady. Demek, 9-10 maýsymda vaktsına salý josparlanǵan», - dedi ol.

RF Densaýlyq saqtaý mınıstrligi 24 qańtarda 6 jastan 11 jasqa deıingi balalarǵa Gamaleıa atyndaǵy ortalyq ázirlegen koronavırýsqa qarsy vaktsınaǵa klınıkalyq zertteýler júrgizýdi maquldady. Aleksandr Gıntsbýrg zertteý úsh jarym aıǵa sozylýy múmkin ekenin atap ótti.