Reseıde urlanǵan kólik Kókshetaýdan tabyldy
Aqmola oblystyq Polıtsııa departamenti baspasóz qyzmetiniń málimetinshe, bıylǵy jylǵy sáýirdiń 22-sinde Kókshetaý qalasynda Jedel basqarý ortalyǵynyń qyzmetkerleri qaýipsizdik beldigin paıdalanbaǵan «Lexus LX570» kóligin anyqtaǵan. Tártip buzýshylyq týraly aqparat birden patrýldik polıtsııa jasaǵyna berildi. Nátıjesinde jol talǵamaıtyn kólik Ýálıhanov jáne Kenesary kósheleriniń qıylysynda toqtatyldy.
«Kólikti Kókshetaý qalasynyń 37 jastaǵy turǵyny basqarǵan. Onyń qujattaryn tekserý barysynda avtokólikti basqarýǵa azamattyq-quqyqtyq jaýapkershiligi saqtandyrý polısi bolmaǵany anyqtaldy. Vedomstvolyq aqparattyq - izdestirý júıeleri boıynsha odan ári tekserý barysynda jol talǵamaıtyn kóliktiń 2018 jylǵy 15 qańtardan beri Reseı Federatsııasy ІІMB Ońtústik-Sahalın qalasy aýmaǵynda urlanǵany belgili boldy. Egjeı-tegjeıli tekserý júrgizý jáne barlyq mán-jaılardy anyqtaý úshin kólik quraly sol kúni aıyppul turaǵyna qoıyldy», - dedi vedomstvodan.
Polıtsııa departamentiniń baspasóz qyzmetinen atap ótkendeı, júrgizýshiniń jeke basyn tekserý kezinde onyń buryn avtokólikti zańsyz ıemdengeni jáne abaısyzda adam ólimine ákep soqqan jol qozǵalysy erejesiniń buzǵany úshin sottalǵany anyqtaldy.
Aıta ketsek, Kókshetaýda oqýshy psıhotropty dárilerdi jasyrýmen aınalysqany anyqtalǵan bolatyn.