Reseıde ýnıversıtet janynda belgisiz bireý oq jaýdyrdy

MÁSKEÝ. TASS - QazAqparat – Reseıdiń Perm memlekettik ýnıversıteti korpýstarynyń birinde belgisiz bireý oq jaýdyryp, birneshe adamdy jaraqattady. Bul týraly QazAqparat TASS aqparat agenttigine silteme jasap habarlaıdy.

«Dúısenbi kúni belgisiz adam ýnıversıtet ǵımaratyna kirip, qarýmen oq jaýdyrǵan. Stýdentterdiń bir bóligi oqý dárishanalaryna kirip tyǵylǵan. Keıbireýleri terezeden sekirip túsken», - dedi agenttikke quqyq qorǵaý organdarynan.

Aımaqtyń Densaýlyq saqtaý mınıstrliginen oqıǵa saldarynan 10-nan astam adam zardap shekkenin habarlady.
«Saǵat 11:00 shamasynda (jergilikti ýaqytpen saǵat 09:00-de) Perm ýnıversıteti kampýsynyń aýmaǵyna qolyna qarý ustaǵan belgisiz bir adam kirip ketip, oq jaýdyra bastady», - delingen baspasóz qyzmetiniń habarlamasynda.

Ýnıversıtettiń qabyldaý bólimi de atys bolǵanyn rastady. Segizinshi korpýsta stýdentterdi evakýatsııalaý júrgizilip jatyr. JOO-da barlyq sabaqtar toqtatylǵan. Tıisti memlekettik organ qyzmetkerleri oqıǵa ornynda jumys jasap jatyr.