Reseıde traýler aýdarylyp eki jumysshy mert boldy

SANKT-PETERBÝRG. TASS-QazAqparat – Súńgýirler Lenıngrad oblysyndaǵy zaýyt mańyndaǵy sý qoımasynda aýdarylǵan kemeden ekinshi jumysshynyń máıitin tapty, dep habarlaıdy QazAqparat TASS agenttigine silteme jasap.

«Qaıtys bolǵan ekinshi adamnyń máıiti shamamen bir jerden tabyldy, bul – áıel», – dedi RF Tergeý komıtetiniń jergilikti basqarmasynyń ókiliú

Buǵan deıin Tergeý komıteti kemeniń artqy jaǵynan er adamnyń máıiti tabylǵanyn habarlaǵan. Tótenshe jaǵdaıdan keıin barlyǵy eki adam habar-osharsyz ketti dep sanaldy.

Eske sala keteıik, oqys oqıǵa seısenbide Máskeý ýaqytymen 15:15 shamasynda «Pella» keme jasaý zaýytynda boldy.

TJM aımaqtyq basqarmasynyń habarlaýynsha, keme qısaıyp, onyń trıýmine sý kire bastaǵan, biraq keıin sý kirý toqtatyldy, traýler janyna qısaıǵan kúıinde qaldy.

Derekkózdiń habarlaýynsha, bul «Skorpıon» traýleri bolǵan.