Reseıde Tótenshe jaǵdaılar mınıstrliginiń Mı-8 tikushaǵy joǵalyp ketti

<p>ASTANA. KAZINFORM - Tótenshe jaǵdaılar mınıstrliginiń Mı-8 tikushaǵy Karelııadaǵy Onejskoe kóliniń ústinde joǵalyp ketti, dep habarlaıdy <a href="https://tass.ru/proisshestviya/19897491" target="_blank" rel="noopener">TASS</a> aqparat agenttigi.</p>

«Onejskoe kóliniń ústinde oqý-jattyǵý ushýy kezinde Reseı Tótenshe jaǵdaılar mınıstrligi Soltústik-Batys avıatsııalyq-qutqarý ortalyǵynyń Mı-8 tikushaǵy Karelııa Respýblıkasynyń Prıonejskıı aýdanyndaǵy Derevıannoe eldi mekeni aımaǵynda baılanysqa shyqpaı qaldy», - dep habarlady mınıstrlikten.

Bortta ekıpajdyń úsh múshesi bar. Іzdestirý-qutqarý jumystary uıymdastyryldy. Oqıǵa ornyna áýe kemeleri men qarda júretin kólikterdegi qutqarýshylar toby barady.

«Bortynda qutqarýshylary bar Soltústik-Batys aeronavıgatsııa qyzmetiniń AN-26 ushaǵy ushyp shyqty», - dep atap ótti mınıstrlikten.

Mash Telegram arnasynyń keıinirek habarlaǵanyndaı, joǵalǵan Mı-8 ushaǵynyń synyqtary Derevıannoe aýylynan 10 shaqyrym jerdegi Onejksoe kólinen tabyldy. Onyń fıýzelıajynyń bir bóligi izdestirý jumystarynan alys emes jerde muzdan tabyldy. Іzdeý jumystaryn jalǵastyrý úshin súńgýirler jiberiledi.

Mı-8 tikushaǵy 2004 jyldan beri Tótenshe jaǵdaılar mınıstrliginiń esebinde bolǵan. Ushaq kapıtany Evseev pen ekıpaj músheleriniń taǵdyry ázirge belgisiz. Aldyn ala boljam boıynsha, olardyń barlyǵy qaza tapty.