Reseıde tirkelgen bir ǵana kólik 5 mln teńgege jol erejesin buzǵan
Almaty oblysynyń aýmaǵynda ornalasqan avtomatty rejımde jumys isteıtin sertıfıkattalǵan arnaıy baqylaý-ólsheý tehnıkalyq quraldary Qazaqstan aýmaǵynda jol erejesin buzǵan, ýaqytsha tirkeýi jáne saqtandyrý mindettemesi joq shet memleketterdiń nómirimen júrgen 92 avtokólikti tirkegen.
Olardyń aıyppulynyń jalpy somasy 42 mln 442 myń 350 teńgege jetken.
«Mysaly, Reseı Federatsııasynyń VAZ-2114 markaly avtokóliginiń qatysýymen jalpy somasy 5 mln 817 myń teńgege 184 ákimshilik quqyq buzýshylyq jasaldy. PD ÁPB ákimshilik tájirıbe bóliminiń qyzmetkerleri atalǵan kólikti ustap, Qaskeleń qalasynyń arnaıy avtoturaǵyna qoıdy. Anyqtalǵan avtokóliktiń júrgizýshisi QR ÁQBtK 590-babynyń 2-bóligi (kólik quralyn paıdalaný erejelerin buzý) boıynsha ákimshilik jaýapkershilikke tartyldy», – dep atap ótti Almaty oblystyq polıtsııa departamenti ákimshilik polıtsııa basqarmasy ákimshilik is-tájirıbe bóliminiń bastyǵy Saıat Ibraımov.
Ustalǵan búkil kólikterge jalpy somasy 10 mln teńgeden astam aıyppul túrindegi ákimshilik jaza qoldanyldy.
Belgilengen tártipte tirkelmegen kólikterge QR ÁQBtK 590-babynyń 2-bóligi boıynsha qoldanystaǵy ákimshilik zańnamaǵa sáıkes ákimshilik sharalar qoldanylady.