Reseıde Semeıge kele jatqan jolaýshylar avtobýsy kólikke soǵylyp, 2 adam kóz jumdy
12:04, 02 Naýryz 2023
ASTANA. TASS - QazAqparat – Reseıdiń Altaı aımaǵynyń Rýbtsovskıı aýdanynda Semeıge kele jatqan jolaýshylar avtobýsy júk kóligimen soqtyǵysty. Bul QazAqparat TASS agenttigine silteme jasap habarlaıdy.
«2 naýryz kúni Rýbtsovskıı aýdanyndaǵy A-322 tas jolynda Novosibir-Semeı baǵytyndaǵy jolaýshylar avtobýsy men júk kóligi soqtyǵysty. Kólik apatynan 2 adam qaza taýyp, 5 adam zardap shekti, olardyń úsheýi aýrýhanaǵa jatqyzyldy. Zardap shekkenderdiń barlyǵy avtobýs jolaýshylary», - delingen agenttik habarlamasynda.