Reseıde Rosgvardııaǵa tıesili tikushaq apatqa ushyrap, adamdar qaza tapty

MÁSKEÝ. TASS - QazAqparat – Reseılik Rosgvardııanyń soltústik-batys óńirlik okrýgi Lenıngrad oblysynyń mańynda Mı-8 tikushaǵynyń qulaǵanyn habarlady.

Bul týraly QazAqparat Reseıdiń TASS agenttigine silteme jasap habarlady. Aldyn ala málimetter boıynsha apat saldarynan 3 áskerı qaza tapqan.

Tikushaqta qarý bolmaǵan. Sebebi ol oqý-jattyǵýǵa qatysyp jatqan.

Lenıngrda oblysynda atalǵan oqıǵanyń bolǵanyn rastady. Abyroı bolǵanda jergilikti turǵyndar zardap shekpegen.

TASS agenttiginiń shuǵyl qyzmetterdegi derekkózi Mı-8 tikushaǵy qulaǵannan keıin órt shyqqanyn habarlaǵan.

«Osy ýaqytta órt sóndirildi»,-dedi agenttikke habar jetkizýshi.

Taǵy bir aqparat kóziniń habarlaýynsha, tikushaqtyń qulaǵany týraly habar jergilikti ýaqyt boıynsha, saǵat 20:30-de jetken. Kýágerler áleýmettik jelilerde oqıǵa ornynan sýretterdi taratyp jatyr. Onda qoıý tútin shyǵyp jatqany baıqalady.

Keıbir sýretterge qaraǵanda, tikushaq dalaly alqapqa qulaǵan.