Reseıde ondaǵan adam ýlanǵan «Mıster Sıdr» ishimdigi Qazaqstan aýmaǵyna ákelinbegen

ASTANA. QazAqparat - Sanıtarııalyq-epıdemıologııalyq baqylaý komıteti Memkirister komıteti málimetine súıene otyryp, Reseıde óndiriletin «Mıster Sıdr» alkogoli az sýsyny Qazaqstan aýmaǵyna ákelinbegenin, esepke alý-baqylaý markasy berilmegenin málim etti, dep habarlaıdy QazAqparat.

Sonymen birge komıtettiń aýmaqtyq departamentterine jetkizýshilerden ónimniń qaýipsizdigin rastaıtyn sáıkestikti baǵalaý qujatyn talap etý, alkogol ımporttaýshylar men ótkizýshilerdi aqparattandyrý tapsyryldy.

Buqaralyq aqparat quraldarynda taraǵan aqparatqa sáıkes, sýsynnyń quramynda adamnyń ómiri men densaýlyǵyna qaýip tóndiretin metanol men etılbýtırat bar, ónim zańsyz aınalymda bolǵan.

Eske sala keteıik, sońǵy birneshe kún boıy Reseıdiń Samara qalasynda ornalasqan «ANDI» jaýapkershiligi shekteýli qoǵamy óndiretin «Mıster Sıdr» dep atalatyn sýsyndy ishkender jappaı ýlandy.

Keshe atalǵan ishimdikten ýlanyp, kóz jumǵandar sany 32-ge jetti. Jalpy 90 adam qazir aýrýhanada jatyr, onyń otyzynyń jaǵdaıy óte aýyr.

Keshe komıtet «Mıster Sıdr» ishimdiginiń Qazaqstanda satylymnan alynatynyn habarlaǵan edi.