Reseıde oqıtyn qyzylordalyq stýdentter elge oraldy

QYZYLORDA. QazAqparat - Reseıde oqıtyn qyzylordalyq 41 stýdent elge oraldy. Olar Máskeý men Sankt-Peterbýrgtiń ınjenerlik-tehnıkalyq Joǵary oqý oryndarynda bilim alady. Sonymen qatar, Reseıden jumys istep, nápaqa taýyp júrgen taǵy 2 jerlesimiz oraldy. Bul týraly Qyzylorda oblystyq jastar saıasaty máseleleri jónindegi basqarma habarlady.

Stýdentterdi elge qaıtarýmen Reseıdegi Qazaqstan elshiligi aınalysty. Reseılik joǵary oqý oryndarynda bilim alyp júrgen qazaqstandyq 250 stýdent Aqtóbe oblysynyń aýmaǵyndaǵy «Álimbet» baqylaý-ótkizý beketinen ótti. Solardyń ishindegi 41 syrboıylyq stýdent jáne 2 azamat Qyzylorda oblysynyń ákimdigi tarapynan berilgen avtobýspen oblys ortalyǵyna jetkizildi.

Barlyǵy Qorqyt ata atyndaǵy Qyzylorda memlekettik ýnıversıtetiniń №5 jataqhanasyna ornalastyryldy. Búgin barlyǵynan test synamalary alynady. Aýrý belgileri baıqalsa, karantınge jatqyzylady nemese nátıjeleri teris bolyp shyqsa, úı baqylaýyna alynady.

Aıta keteıik, qazir syrboıylyq jalpy sany 328 stýdent Reseı Federatsııasy Úkimetiniń bıýdjeti esebinen Máskeý men Sankt-Peterbýrgtegi ınjenerlik joǵarǵy oqý oryndarynda bilim alýda.

Buǵan deıin naýryz aıynda olardyń 62-si elge oralyp, karantındik rejım baqylaýynda bolǵan edi.