Reseıde naýqastardan koronavırýstyń jańa túri tabyldy

NUR-SULTAN. QazAqparat - Dárigerler Máskeýde koronavırýs juqtyrǵan bes patsıentten «Kentavr» degen kishi túrin tapty.

Barlyq naýqastarda aýrý jeńil túrde ótip jatyr. Naýqastar arasynda aýrýhanaǵa jatqyzylǵandar joq, dep habarlaıdy QazAqparat.

QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń málimetterine qaraǵanda, sońǵy eki aptada Reseıde anyqtalǵan koronavırýs ınfektsııasyn juqtyrý jaǵdaılarynyń ishinde «Omıkronnyń» kishi túrleri - BA.4 jáne BA.5 shtamdarynyń úlesi 51,76%-ke jetti. Omıkron shtamynyń ózi 1,85%-inde, Delta nusqasy 0,73%-inde anyqtalǵan.

«Kentavr» - koronavırýstyń «omıkron» shtamynyń jańa kishi túri. Bul koronavırýstyq mýtatsııa Úndistanda jáne kem degende on elde, sonyń ishinde Nıderlandy, Avstralııa, Germanııa, Ulybrıtanııa, AQSh jáne Kanadada tabyldy.

Aqqýlar koronavırýsyn juqtyrý jaǵdaıy alǵash ret Qytaıdaǵy Tszıansı provıntsııasynda tirkeldi.

AQSh bıologııa ǵylymdarynyń doktory qustardaǵy koronavırýsty anyqtaý COVID-19-da odan da qaýipti mýtatsııaǵa ákelýi múmkin dep eskertti.

«Sonymen qatar, qonys aýdaratyn qustardyń ómir saltyna baılanysty aqqýlar qysqa merzimde bul mýtatsııalardyń keń qashyqtyqqa taralýyna yqpal etýi múmkin. Ǵalymdar koronavırýs ınfektsııasynan qorǵanýdyń jalǵyz ádisi - vaktsınatsııa ekenin aıtady»,-delingen habarlamada.

Foto: tass.ru