Reseıde «Máńgilik alaýdy» óshirgen ózbek balalary otbasymen birge memleketten shyǵarylady
16:45, 13 Jeltoqsan 2023
<p>Sankt-Peterbordyń Krasnoselsk aýdandyq soty Ózbekstannyń úsh azamatyn Reseıdiń Ákimshilik jaýapkershilik kodeksiniń 18.8-baby, 3-bóligi boıynsha quqyq buzýshylyqty jasaǵany úshin kináli dep tapty. Balalar «Máńgilik alaýdy» qarmen sóndirgen, dep habarlaıdy <a href="https://kaz.inform.kz/" target="_blank" rel="noopener">Kazinform</a> Sankt-Peterbor sottarynyń Birikken <a href="https://t.me/SPbGS/16336" target="_blank" rel="noopener">baspasóz qyzmetine</a> silteme jasap. </p>
Sot olardy elden shyǵaryp, aıyppul salý týraly sheshim qabyldady.
Ózbekstan azamattarynyń Reseı aýmaǵynda eshqandaı tirkeýsiz turyp kelgeni anyqtaldy. Olar óz kinálaryn tolyǵymen moıyndaǵan.
Sot otbasy músheleriniń árqaısysyna 5 000 rýbl (25 460 teńge) kóleminde aıyppul saldy.
10 jeltoqsanda Sankt-Peterbordyń Krasnoe selosynda úsh bala «Máńgilik alaýdy» qarmen sóndirgen. Polıtseıler 10 jáne 14 jastaǵy aǵaıyndy jetkinshekti jáne 12 jastaǵy jasóspirimdi qolǵa túsirdi. Osydan keıin Reseı Іshki ister mınıstrligi balalardyń otbasy Reseı aýmaǵynda zańsyz júrgenin anyqtap, sotqa shaǵym túsirgen.
Reseıde soǵysta qaza tapqandardy eske alýǵa arnalǵan «Máńgilik alaýǵa» qarsy jasalǵan buzaqylyq aýyr qylmys bolyp esepteledi.