Reseıde bolǵan lańkestik áreketke qatysýshylarǵa aıyp taǵyldy

<p>ASTANA. KAZINFORM &ndash; Reseıdiń Tergeý komıteti 137 adam mert bolǵan &laquo;Krokýs sıtı holl&raquo; kontsert zalynda jasalǵan terrorıstik aktige qatysýy múmkin kúdiktilerge aıyp taqty.</p>

Bul týraly reseılik TASS agenttigi kúdiktilerdi tuqyndaý týraly usynym túsken Basman sotynyń baspasóz qyzmetine silteme jasap habarlady.

«Rachabalızoda Saıdakramı Mýrodalı men Mırzoev Dalerdjon Barotovıchke 3-baptyń «b» bóligi men 205-tarmaqshasy boıynsha (adamdarmen toptasyp, kisi ólimine alyp kelgen terakt jasaý) aıyp taǵyldy», - delingen sottyń baspasóz qyzmeti taratqan aqparatta.

Aıyptalýshy eki adamdy da sotqa Federaldy qaýipsizdik qyzmetiniń arnaıy maqsattaǵy bólimshe qyzmetkerleri alyp keldi. Sot otyrysy tergeý qupııalylyǵyn saqtaý men sot protsesiniń qaýipsizdigin qamtamasyz etý úshin jabyq rejımde ótedi.

Keshirek tergeý komıteti «Krokýs sıtı holl» zalyndaǵy teraktige qatysty degen aıypty taǵy eki adamǵa taqty. Olardyń ekeýi de tıisti sheshim qabyldaý úshin Basman sotyna jetkizildi.

«Sotqa Faızov Mýhammadsobır men Farıdýnı Shamsıdın jetkizildi. Olarǵa RF QK-niń 3-baby «b» bóligi 205-tarmaqshasy boıynsha (adamdarmen toptasyp, kisi ólimine alyp kelgen terakt jasaý) aıyp taǵyldy», - dep habarlaǵan TASS agenttigine sottyń baspasóz qyzmeti.

Eske sala ketsek, 22 naýryz kúni Máskeýdiń soltústik-batysyndaǵy «Crocus City Hall» kontsert zalynda kamýflıaj kıgen adamdar ǵımarat ishinde júrgen adamdarǵa oq jaýdyrǵan. 150-den astam adam jaraqat alyp, 100-den astam adam mert boldy. Olardyń ishinde balalar da bar.