Reseıde qoımadaǵy jarylystan 52 adam zardap shekti, 12 adam izdestirilýde

MÁSKEÝ. TASS – QazAqparat – RF Máskeý oblysy Sergıev Posad qalasyndaǵy jarylystan 52 adam zardap shegip, 12 adam iz-túzsiz joǵalǵandar tiziminde tur, dep habarlaıdy QazAqparat TASS-qa silteme jasap.

Buǵan deıin 9 adamnyń iz-túzsiz joǵalǵany habarlanǵan bolatyn.

«Naqty málimet boıynsha, 12 adamnyń taǵdyry belgisiz bolyp otyr. Іzdeý jumystary jalǵasyp jatyr», - dedi agenttik derekkózi.

Jarylys keshe Sergıev Posadta «Pıro-Ross» kompanııasynyń pırotehnıka qoımasynda boldy. Alǵashqyda 40-qa jýyq adam zardap shekkeni týraly habarlanǵan edi. Búgingi málimetke sáıkes, medıtsınalyq kómekke 52 adam júgingen, 8-i statsıonarda jatyr.