Reseıde koronavırýstyń jańa shtamy qarqynmen taralýda

NUR-SULTAN. QazAqparat – Reseıde koronavırýstyń "stels omıkron" úlesi barlyq aımaqta anyqtaldy jáne onyń taralýy qarqynmen artýda. Bul týraly Qazaqstanda COVID-19 qarsy vedomstvoaralyq komıssııanyń Telegram-kanalynda málim etildi, dep habarlaıdy QazAqparat.

Ońtústik Koreıa COVID-19 taralýyna baılanysty engizilgen vızasyz rejımniń toqtatylýyn alyp tastady. Vızaǵa ruqsatty 46 eldiń azamattary ala alady. Olar 2022 jyldyń 1 sáýirinen bastap qysqa merzimge vızasyz kirýge quqyly. Kelýshiler Ońtústik Koreıada úzilissiz 60 kúnnen aspaıtyn merzimde bola alady. Sondaı-aq 180 kún ishinde bolý ýaqyty 90 kúnnen aspaýy shart. Alaıda, týrızm úshin elge kirýge áli tyıym salynǵan: oqýǵa, emdelýge nemese shuǵyl gýmanıtarlyq maqsattarǵa barýǵa ǵana ruqsat etiledi.

Koronavırýstyń jańa shtamy Reseıdiń barlyq aımaǵynda anyqtaldy jáne onyń úlesi ósýde. Rospotrebnadzordyń málimetinshe, "stels omıkron" úlesi turaqty artyp keledi. Máselen, Reseıdiń ortalyq bóliginde anyqtalǵan barlyq jańa jaǵdaıdyń jartysynan kóbi – «omıkronnyń» osy nusqasy. Sonymen qatar, ǵalymdardyń paıymynsha, indettiń kúrt ósýi kútilmeıdi. Óıtkeni halyqtyń kóp bóligi vaktsınatsııa jasatqan nemese koronavırýspen aýyrǵannan keıin ımmýnıtet qalyptasqan.