Reseıde qonaq úıde gaz jarylǵan: eki adam mert boldy
13:48, 13 Shilde 2021
KRASNODAR. TASS-QazAqparat – Reseıde Gelendjık qonaq úıinde gaz jaryldy, dep habarlaıdy QazAqparat TASS agenttigine silteme jasap.
Krasnodar qalasynyń jedel qyzmetteriniń málimetinshe, jarylys saldarynan eki adam qaza tapqan.
TJM baspasóz qyzmeti Sovetskaıa kóshesindegi qonaq úıde bolǵan jaǵdaı týraly habarlady.
«Reseıdiń TJM birinshi bólimshesi oqıǵa ornyna kelgende jarylys bolǵan jerde birinshi qabattyń áınekteri men ishki qurylymdary zaqymdalǵany anyqtaldy. Úıindilerdi tazalaý jumysy júrip jatyr. 50 adam evakýatsııalandy. Aldyn ala aqparat boıynsha, zardap shekkender bar», - dedi vedomstvoda.
Oqys jaǵdaı qalanyń ortalyq bóliginde ornalasqan tórt qabatty qonaq úıde bolǵan.
Áleýmettik jelilerde taralǵan fotosýretter men beınerolıkterde jarylystan keıin ǵımarattyń fragmentteri joldyń júrý bóligine shashyrap, ǵımarattyń janynda turǵan kólikter búlingeni kórinedi.