Reseıde Qazaqstannan kelgen avtobýs apatqa ushyrady, qaza tapqandar bar

<p>ASTANA. KAZINFORM &ndash; Reseı Federatsııasynyń Samara oblysynda Qazaqstannan kelgen avtobýs apatqa ushyrady, qurban bolǵandar bar, dep habarlaıdy RF Іshki ister mınıstrligi Bas basqarmasynyń Memlekettik jol ınspektsııasy.</p>

Reseı ІІM Samara oblysy boıynsha Bas basqarmasynyń memlekettik jol ınspektsııasynyń bastyǵy ıÝrıı Nekrasovtyń aıtýynsha, 8 sáýirde shamamen saǵat 01:00-de Kınel aýdanynda avtobýs jol apatyna ushyrady.

Memlekettik avtoınspektsııa qyzmetkerleri jınaǵan materıaldardarǵa qaraǵanda, SCANIA avtobýsyn basqaryp kele jatqan júrgizýshi «Ýral-Mýhanovo» tasjolynyń 26-shy shaqyrymynda jyldamdyqty asyryp, aýdarylyp qaldy.

Oqıǵa ornynda 2 jolaýshy qaza tapty, 10 jolaýshy medıtsınalyq mekemege jetkizilgen.

Foto: Reseı Samara oblysynyń jol polıtsııasy

Bul avtobýstyń Qazaqstanda tirkelgeni anyqtaldy. Ol Ózbekstan azamattaryn tasymaldap júrgen. Avtobýs Shymkent-Nıjnıı Novgorod baǵytymen kele jatqan bolatyn.

Oqıǵa ornynda jedel-tergeý toby, oblystyq memlekettik jol ınspektsııasynyń basshylyǵy jáne RF ІІM aýmaqtyq departamenti jumys istep jatyr.

Aldyn ala boljam boıynsha, avtobýs júrgizýshisi rýlge ıe bola almaı, aryqqa túsip ketken, artynsha kólik aýdarylǵan.

Kınel aýdanaralyq prokýratýrasy jol qozǵalysy qaýipsizdigi týraly zańnamanyń oryndalýyn tekserdi, onyń qorytyndysy boıynsha isti prokýrordyń qaraý máselesi sheshiletin bolady.