Reseıde qazaq kúresinen alǵashqy ashyq chempıonat ótti

ASTANA. QazAqparat - Máskeýde qazaq kúresinen tuńǵysh ret Reseı Federatsııasynyń chempıonaty ótti. Bul týraly Qazaqstannyń Reseıdegi Elshiliginiń resmı saıtynda málim etildi, dep habarlaıdy «QazAqparat» HAA.

Reseıdiń alǵashqy ashyq chempıonatyn Qazaq kuresi halyqaralyq federatsııasynyń jáne Máskeýdiń ulttyq mádenı birlestikteriniń qoldaýymen Máskeý qalasynyń Qazaq kúresi federatsııasy uıymdastyrdy.

Oǵan Reseıdiń 25 óńirinen jasy 18-den asqan, sambo, dzıýdo, koresh jáne kúrestiń basqa da aralas túrlerinen (eresekter arasynda ekinshiden tómen emes razrıady bar) 35 sportshy qatysty.

«Bizdiń mindetimiz - Reseıde qazaq kúresin damytý jáne ony sambo jáne dzıýdo sııaqty olımpıadalyq sport túrleriniń birine aınaldyrý. Bul, alǵashqy jalpyreseılik chempıonat. Endi ony jyl saıyn ótkizýdi josparlap otyrmyz», - deıdi Máskeý qalasynyń Qazaq kúresi federatsııasynyń bas dırektory Naıl ıAkýbalıev.

«Men buryn grek-rım kúresimen aınalystym. Osydan bir jyl buryn ózimdi qazaq kúresinde synap kóreıin dep sheshtim. Dzıýdoǵa uqsaıdy, biraq ózindik erekshelikteri men erejeleri bar. Keı tustaryn, erejelerin áli tolyq bilmegendikten, fınalda jeńilip qaldym. Biraq munymen toqtamaımyn. Qazaq kúresi unaıdy, onymen aınalysa beremin», - deıdi 60 kg salmaq sanatynyń fınalshysy Djamalýdın Amarov.