Reseıde qar kóshkini júrip, 15 týrıst joǵalyp ketti

MÝRMANSK. TASS-QazAqparat - Reseıdiń Mýrmansk oblysynda qar kóshkini júrdi. 15 adamnan turatyn týrıstik top qar astynda qalǵan bolýy múmkin, dep habarlaıdy QazAqparat TASS agenttigine silteme jasap.

Olenegorsk aýdanynyń basshysy Oleg Samarskııdiń aıtýynsha, osy aýdanda qar kóshkini bolǵan.

«Ol jerde 15 adam bolýy múmkin. Olardyń qaı soqpaqpen jolǵa shyqqany belgisiz. Oqıǵa ornynda qutqarýshylar jumys istep jatyr» dedi ol.

Aımaq tergeý komıtetiniń málimetine sensek, qar kóshkini júrgen jerde kámelet jasyna tolmaǵan balalar bolýy yqtımal.

«Mýrmansk oblysynyń tergeý basqarmasyna Imandra stansasy mańyndaǵy jabdyqtalmaǵan marshrýtta týrıstik top qar kóshkininiń astynda qalǵany jaıly habar kelip tústi. Aldyn ala málimet boıynsha, oqıǵadan zardap shekken adamdar bar. Oqıǵa ornyna krımınalıster men tergeýshi attandy. Qar astynda qalǵandar arasynda kámelet jasyna tolmaǵan balalar bolýy múmkin» delingen habarlamada.