Reseıde qala meri joǵalyp ketti
23:01, 18 Sáýir 2015
ASTANA. QazAqparat - Reseıdiń Ioshkar-Ola qalasynyń polıtsııasy iz-túzsiz joǵalyp ketken qala meri Pavel Plotnıkovty izdestirip jatyr.
Sheteldik BAQ habarlaǵandaı, Marıı El Respýblıkasynyń ІІM aqparatynsha, túngi saǵat 1-ler shamasynda polıtsııanyń kezekshi bólimine merdiń jubaıynan onyń kúıeýi, 1977 jyly týǵan Plotnıkov Pavel Vıacheslavovıchtiń joǵalyp ketkendigi týraly aqparat kelip túsken. Sondaı-aq ol kúıeýiniń juma kúni Ioshkar-Oladaǵy Qurylysshylar kóshesine barǵanyn, sodan beri onyń qaıda ekeni belgisiz bolyp jatqanyn jetkizgen. Qala basshysyn izdeýge mundaǵy barlyq patrýldik beket qyzmetiniń ekıpajdary, Memlekettik qaýipsiz jol qozǵalysy ınspektsııasynyń, vedomstvodan tys kúzet qyzmetkerleri jumyldyryldy.