Reseıde izdeýde júrgen qylmysker Atyraýda ustaldy

ATYRAÝ. QazAqparat – Atyraýda memleketaralyq izdeýde bolǵan Reseı Federatsııasynyń 45 jastaǵy azamaty ustaldy, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, kóshi-qon polıtsııasynyń qyzmetkerleri «Zańsyz kelýshi-2021» jedel profılaktıkalyq is-sharasy kezinde birneshe derekti anyqtaǵan.

«Bıylǵy mamyr aıynda Reseı Federatsııasynyń azamatyna sol eldiń Qylmystyq Kodeksiniń 157-babynyń 1-bóligimen (Ata-ananyń sot sheshimi boıynsha kámeletke tolmaǵan balalardy, sondaı-aq on segiz jasqa tolǵan múgedek balalardy ustaýǵa qarajat tóleýden qasaqana jaltarýy) memleketaralyq izdeý jarııalanǵan. Qazir ustalǵan er adam shekara qyzmetine tapsyryldy», - dep habarlady departamenttiń baspasóz qyzmeti.

Sondaı-aq, jedel is-shara kezinde polıtseıler qurylys nysandaryna tekserý júrgizdi.

Atyraý qalasyndaǵy «Bereke» shaǵyn aýdanynda Ózbekstan Respýblıkasynyń 52 azamaty qujatsyz eńbek qyzmetin zańsyz júzege asyryp júrgeni anyqtaldy. Sheteldik azamattar Atyraý qalalyq polıtsııa basqarmasynyń qabyldaý-taratý ornyna ornalastyryldy.

Eske sala ketelik, buǵan deıin Atyraýda 16 mıgrant kópqabatty úıdiń qurylysyna zańsyz

tartylǵanyn habarlaǵan bolatynbyz.