Reseıde izdeýde júrgen qylmysker Aqmola oblysynan tabyldy
11:45, 09 Sáýir 2021
KÓKShETAÝ. QazAqparat - Zerendi aýdany aýmaǵynda memleketaralyq izdeýde júrgen 43 jastaǵy qylmysker ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, Reseı azamatyna izdeý jarııalanǵan.
«Ustalǵan azamat 2018 jyly esirtki zattaryn erekshe mólsherde zańsyz satqany úshin sottalǵany belgili, alaıda sottalýshy qashyp ketken. Osyǵan baılanysty izdeý jarııalandy.Ol úsh jyldan keıin Aqmola oblysy Zerendi aýdany aýyldarynyń birinen tabyldy», - deıdi vedomstvodan.
Qazirgi kezde ustalǵan azamat PD ýaqytsha ustaý ızolıatoryna qamaldy, ony Reseıge ekstradıtsııalaý týraly másele sheshilýde.