Reseıde eki tramvaı soqtyǵysyp, 67 adam zardap shekti

<p>ASTANA. KAZINFORM &ndash; Reseıdiń Kemerovo qalasynda eki tramvaıdyń soqtyǵysýy saldarynan zardap shekkenderd sany 67 adamǵa jetti. Úsh adamnyń jaǵdaıy aýyr, dep habarlaıdy <a href="https://tass.ru/proisshestviya/21010173" target="_blank" rel="noopener">TASS </a>aqparat agenttigi.&nbsp;</p>

6 maýsymda Kemerovodaǵy Kýznetskıı kópiriniń basyndaǵy Logovaıa tas jolynda eki tramvaı soqtyǵysty. Aldyn ala málimet boıynsha, 30 adam zardap shekti. Keıin Kemerovo oblysynyń bıligi zardap shekkender sany 67 adamǵa jetkenin habarlady.

«Kýzbass apattar medıtsınasy ortalyǵynyń málimetinshe, saǵat 10:40-taǵy jaǵdaı boıynsha barlyǵy 67 adam zardap shekti. Onyń ishinde úsh adamnyń jaǵdaıy aýyr: ekeýi jansaqtaý bóliminde, bireýi operatsııalyq bólimde jatyr. Dárigerler olardyń ómiri úshin kúresip jatyr. 10 adam ambýlatorlyq em alýǵa jiberildi», - delingen oblys gýbernatorynyń m.a. Ilıa Seredıýktiń málimdemesinde.

Kemerovo oblysynyń densaýlyq saqtaý mınıstrliginiń málimetinshe, zardap shekkender sany artýy múmkin.

«Ambýlatorııalyq naýqastar, mysaly, stress aldy. Úsh adamnyń hali nashar. Olardyń jaǵdaıy aýyr emes, bireýi ota jasaý bóliminde jatyr», - dedi Kemerovo oblysynyń densaýlyq saqtaý mınıstri Dmıtrıı Beglov. 

Aýrýhanada 57 adam jatyr. 

Tramvaıdyń soqtyǵysýyna tejegishtiń isten shyǵýy jáne adam qateligi sebep bolýy múmkin.

Kemerovo elektr kóligi kompanııasy baspasóz qyzmetiniń málimetinshe, apat ornynda órt bolmaǵan jáne oqıǵa saldarynan qaza tapqandar joq. Tramvaılar «Naberejnaıa» aıaldamasyna jaqyn jerde soqtyǵysty.

Oqıǵa faktisi boıynsha RF TK Tergeý basqarmasy tergeý amaldaryn bastady. Kemerovo oblysynyń prokýratýrasy qylmystyq isti óz baqylaýyna aldy. Jedel shtab quryldy.