Reseıde bir táýliktiń ishinde koronavırýstan 752 adam qaıtys boldy

MÁSKEÝ. TASS-QazAqparat – Reseıde koronavırýsten kóz jumǵandar sany bir táýliktiń ishinde 752-ge ósip, 142 256-ǵa jetti. Bul týraly senbi kúni jýrnalısterge Jańa ınfektsııamen kúres jónindegi federaldy jedel shtabta aıtyldy, dep habarlaıdy QazAqparat TASS agenttigine silteme jasap.

Shtab derekteri boıynsha, koronavırýsten shartty ólim sany (naqty derekterdi epıdemııa bitkennen keıin ǵana anyqtaýǵa bolady) 2,47% bolyp otyr. Atap aıtqanda, Sankt-Peterbýrgte 102, Irkýtsk jáne Nıjnegorod oblystarynda 28, Krasnodar aımaǵynda 22, Rostov oblysynda 21 ólim tirkeldi.

Reseıde bir táýliktiń ishinde koronavırýs juqtyrǵandardyń sany 25 082-ge ósip, 5 758 300-ge jetti. Salystyrmaly túrde juqtyrǵandar sany 0,44%-ǵa ósken. Atap aıtqanda, bir táýliktiń ishinde Máskeý oblysynda 2 487, Sankt-Peterbýrgte 1 978, Nıjegorod oblysynda 527, Voronej oblysynda 423, Krasnoıar aımaǵynda 401 adamnan ınfektsııa anyqtaldy.

Qazirgi kezde Reseıde koronavırýspen 433 210 adam aýyryp jatyr.