Reseıde ajyrasý rekordtyq kórsetkishke jetti
Reseı ajyrasý boıynsha Portýgalııa Ispanııa, Lıýksembýrgtan keıin álem boıynsha tórtinshi orynda. Bir jylda bir mıllıonnan astam jup ajyrasqan. Mamandardyń aıtýynsha, basy sebepterdiń qatarynda ekonomıkalyq qıyndyqtar, ınflıatsııa, ómir súrý sapasynyń tómendeýi.
«Otbasylardy, ásirese balalary bar otbasylardy saqtaý úshin ártúrli sharalar usynylady. Tipti Memlekettik Dýmada arnaıy medıatsııaǵa qatysty komıtetter qurylǵan», - deıdi kásibı meıdator Mıra Moıseeva.Eń kóp ajyrasý Máskeý, Týva, Daǵystanda tirkelgen. Sondyqtan memleket tarapynan jas otbasylarǵa basa kóńil bólinbek. Keı sharýa qojalyqtary men kásipkerler jumysqa tek jas otbasylardy qabyldaıdy.
«Biz kásiporynǵa jas erekshelikterine qaraı qabyldaımyz. Jas otbasylardy kóshirip, úı bolsa eken deımiz. Nemese úılenbegen boıdaqtar kelse, olardyń da otbasy qurýyna kómek beremiz», - deıdi kásipker Aleksandr Roslıakov.Parlamentte psıhologtardyń qatysýymen ajyrasý týraly jańa zań jobasy daıyndalyp jatyr. Bastamada kámeletke tolmaǵan balalary bar erli-zaıyptylar ajyrasýdyń aldynda otbasyn saqtaý úshin otbasylyq psıhologpen keńesý kerek dep kózdeledi. Sondaı-aq, depýtattar búkil Reseıde uzaq neke úshin arnaıy tólemder engizýdi usynyp otyr.