Reseıde áskerı ushaq turǵyn úıge qulady

MÁSKEÝ. TASS-QazAqparat – Reseıdiń Krasnodarsk ólkesiniń Eısk qalasyndaǵy kópqabatty úıge Sý-34 ushaǵy qulady. Bul týraly QazAqparat TASS agenttigine silteme jasap habarlaıdy.

Agenttiktiń málimetinshe, Eısk qalasyndaǵy 9-qabatty turǵyn úıge áskerı ushaq qulady. Turǵyn úı órtenip jatyr. Qutqarý qyzmetti jumys júrgizýde.

Al qalanyń tótenshe jaǵdaı qyzmeti turǵyn úıge Sý-34 ushaǵynyń qulaǵanyn habarlady.

Reseı Qorǵanys mınıstrligi taratqan habarlamaǵa qaraǵanda, Sý-34 bombalaýshy áskerı ushaǵy oqý-jattyǵý kezinde apatqa ushyraǵan. Apatqa ushaq qozǵaltqyshtarynyń birinde shyqqan órt sebep bolǵan. Sý-34 qulaǵan turǵyn aýdandardyń biriniń aýlasynda ushaqtyń janarmaı quıatyn bagy jarylyp, órtengen.

Kóz jumǵandar men zardap shekkender týraly aqparat naqtylanýda.

Vıdeodan alynǵan kadr tass.ru