Reseıde apatqa ushyraǵan An-12 ushaǵy bortynda toǵyz adam bolǵan
07:43, 04 Qarasha 2021
IRKÝTSK. TASS. QazAqparat - Sársenbi kúni Irkýtsk oblysynda apatqa ushyraǵan An-12 ushaǵynyń bortynda toǵyz adam bolǵan, dep habarlaıdy QazAqparat TASS agenttigine silteme jasap.
Bul týraly Tótenshe jaǵdaılardy joıý jónindegi komıssııa otyrysynda Tótenshe jaǵdaılar mınıstrliginiń oblys boıynsha ortalyq apparaty basshysynyń birinshi orynbasary Andreı Rıabovolov málim etken.
«Grodno áýe kompanııasynyń ókilinen alynǵan naqtylanǵan aqparatqa sáıkes, ushaq bortynda toǵyz adam, onyń ishinde bes ekıpaj múshesi jáne júkti alyp júretin tórt adam bolǵan», - dedi ol.
Bas keńse basshysynyń birinshi orynbasary alty adamnyń máıiti tabylyp, saraptamaǵa jetkizilgenin atap ótti. Toǵyz adamnyń tórteýi - Reseı, úsheýi - Belarýs, ekeýi Ýkraına azamaty.