Reseıde ákelingen 36 myń dana jumyrtqa keri qaıtaryldy - AShM

NUR-SULTAN. QazAqparat –Memlekettik veterınarııalyq ınspektorlary Reseıden zańsyz Qazaqstanǵa ótkizilmek bolǵan 36 myń dana jumyrtqany keri qaıtardy, dep habarlaıdy QazAqparat AShM silteme jasap.

2021 jyly 11 naýryzda Soltústik Qazaqstan oblysynyń syrtqy baqylaý pýnktinde veterınarııalyq zańnamany buza otyryp tasymaldanǵan 36 000 dana jumyrtqany ótkizýdiń joly kesildi. Ónim Reseıdiń Orynbor oblysynan EAEO talaptaryna sáıkes kelmeıtin veterınarlyq sertıfıkatpen elimizdiń iri qalalarynyń birine jiberilgen. Zańǵa sáıkes júk eksporttaýshy eldiń aýmaǵyna qaıta qaıtaryldy.

Búginde Qazaqstan Respýblıkasynda Syrtqy memlekettik shekarasynda 31 Veterınarııalyq baqylaý beketi ornalasqan. Al, Reseı-Qazaqstan jáne Qyrǵyz-Qazaqstan ýchaskelerinde 32 veterınarııalyq baqylaý beketi bar.

Aıta ketsek, 2021 jyldyń basynan bastap júk tasymaly barysynda veterınarııalyq-sanıtarııalyq erejelerdi buzǵandarǵa 3 325 380 teńge aıyppul salyndy.