Reseıde 205 myń gektardan astam orman órtenip jatyr

NUR-SULTAN. TASS-QazAqparat - Reseıde jeksenbi kúni orman órtteriniń aýmaǵy 205 myń gektardan asty, dep habarlaıdy QazAqparat.

TASS agenttiginiń Avialesokhrana FSBI baspasóz qyzmetine silteme jasap habarlaýynsha, ótken táýlikte 3662 gektar aýmaqta 66 orman órti sóndirilgen.

«2021 jylǵy 5 qyrkúıektegi jaǵdaı boıynsha Reseı Federatsııasy aýmaǵynda 205 382 gektar aýmaqta 121 orman órti oryn aldy», - dep málim etti baspasóz qyzmeti.

Barlyq órtterdiń negizgi bóligi ıAkýtııaǵa tıesili. Qazir onda 143 myń gektardan astam orman órtenip jatyr. Irkýtsk oblysynda shamamen 27 myń gektar otqa orandy. Shamamen 8 myń gektar - Sverdlov oblysynda, 4,5 myń gektardan astam - Marı Elde, 2,5 myń gektardan astam - Bashqurtstanda, 2 myń gektarǵa jýyǵy - Magadan oblysynda. Al basqa 14 aımaqta árqaısysynda 1 myń gektarǵa jýyq orman tilsiz jaýdyń qursaýynda qaldy. Sondaı -aq, erekshe qorǵalatyn jerlerde tórt órt tirkeldi - Mordovııa, Samara oblysy men Bashqurtstanda.

Reseıdiń jeti aımaqta tótenshe jaǵdaı rejımi engizildi.