Reseıde 16 adam mingen tikushaq qulady

PETROPAVLOVSK-KAMChATSKII. QazAqparat – Reseıdiń Kamchatka ólkesinde bortynda 13 týrıst pen 3 ekıpaj múshesi bar Mı-8 tikushaǵy qulady. QazAqparat bul týraly TASS agenttigine silteme jasap habarlaıdy.

«12 tamyz kúni, Máskeý ýaqytymen saǵat 00.50-de Kronotskoe qoryǵynyń Kýrılsk kóli aýmaǵynda «Vıtıaz-Aero« kompanııasyna tıesili Mı-8 tikushaǵy jerge qatty qonǵany týraly habarlama tústi. Aldyn ala aqparat boıynsha, bortta 13 týrıst pen ekıpajdyń 3 múshesi bar. Oqıǵa ornyna Apattar medıtsınasy ortalyǵynyń tikushaǵy ushyp shyǵýǵa daıyndalýda. Sondaı-aq qutqarýshylary bar Reseı Tótenshe jaǵdaılar mınıstrliginiń Mı-8 tikushaǵy daıyndyq kúıine keltirilip jatyr», - dep málim etti jýrnalısterge Tótenshe jaǵdaılar mınıstrligi Kamchatka boıynsha Memlekettik basqarmasynyń baspasóz qyzmetinen.

Al RF TJM-niń baspasóz qyzmetiniń aqparatyna sáıkes, «Vıtıaz-Aero» AQ-nyń Mı-8 tikushaǵynyń jerge qatty qonýy saldarynan zardap shekkenderge kómektesý úshin Kamchatsk ólkesindegi izdestirý-qutqarý jumystaryna 45 adam men 8 tehnıka jumyldyrylǵan.

«Vıtıaz-Aero» avıakompanııasy 2009 jyldan beri jumys istep keledi. Jeke parkinde 20 tikushaq bar. Kamchatkanyń joly qıyn aýmaqtaryna týrısterdi jetkizý boıynsha jolaýshylar tasymalyn oryndaıdy.