Reseıde 14 til joıylyp ketken

ASTANA. QazAqparat - Reseıde sońǵy 150 jylda 14 til joıylǵan. Halyqaralyq «Reseıdegi baıyrǵy halyqtar tilderi jylynyń» ashylýyna arnalǵan baspasóz máslıhatynda Ulttar isteri jónindegi federaldyq agenttiktiń basshysy Igor Barınov osyndaı derekti keltirdi, dep habarlaıdy TASS.

«Jahandaný úderisi Reseı Federatsııasyn da shet aınalyp ótken joq. Ol usaq tilderdiń joıylý qaýpin arttyryp otyr. Bizdiń fılolog ǵalymdarymyzdyń esebi boıynsha, Reseıde 150 jylda 14 til ólgen», - deıdi Barınov.

Baıyrǵy halyqtar tilderiniń halyqaralyq jyly 2019 jyldyń 28 qańtary kúni Parıj qalasynda bastaldy. Al jyldyń Reseıdegi resmı ashylý saltanaty ıÝgrada naýryz aıynda bolady.

BUU derekterine súıensek, álemde baıyrǵy halyqtar ókilderiniń jalpy sany 370 mıllıon shamasynda, olar 90 elde tirshilik keship jatyr.