Reseıde 11 áýejaı jumysyn shekteý rejımi uzartyldy

MÁSKEÝ. TASS- QazAqparat–– Rosavıatsııa Reseıdiń ońtústigi men ortalyq bóliginiń 11 áýejaıyna ushýǵa shekteýdi 29 tamyzǵa deıin uzartty. Bul týraly Federaldy áýe kóligi agenttigi málim etti, dep habarlaıdy QazAqparat TASS-qa silteme jasap.

«Reseıdiń ońtústigi men ortalyq bóligindegi 11 áýejaıǵa ushýdy shekteý rejımi 2022 jyldyń 29 tamyzyna deıin uzartyldy», - delingen habarlamada.

Anapa, Belgorod, Brıansk, Voronej, Gelendjık, Krasnodar, Kýrsk, Lıpetsk, Dondaǵy Rostov, Sımferopol jáne Elısta áýejaılarynda reıster ýaqytsha shektelgen.

Aıta ketsek, Reseı bıylǵy 24 aqpanynan bastap eldiń ońtústiginde jáne ortalyq bóliginde áýe keńistiginiń bir bóligin azamattyq ushaqtar úshin shektelgen edi.

Foto: tass.ru