Reseı «Zenchenko jáne K» kompanııasynan eksporttyq shekteýdi alyp tastady

NUR-SULTAN. QazAqparat – Qazaqstandyq birqatar kompanııa ónimderiniń Reseıge eksporttalýyna salynǵan tyıym alynyp tastaldy. Bul týraly «QazAqparat» QR Saýda jáne ıntegratsııa mınıstrliginiń baspasóz qyzmetine silteme jasap.

Atap aıtqanda, «Zenchenko jáne K», «J.F.M. company» jáne «Aısberg PV» JShS óz ónimderin RF-ǵa qaıta eksporttaı alady.

Eske sala keteıik, buǵan deıin Reseı aýylsharýashylyq baqylaý qyzmeti «Zenchenko jáne K» kompanııasynyń óniminen ishek taıaqshasyn anyqtaǵanyn málim etken edi. Osyǵan baılanysty bıylǵy jyldyń 5 qyrkúıeginde ónimderdi Reseı Federatsııasynyń aýmaǵyna kirgizýge tyıym salyndy.

Sondaı-aq, Reseı aýylsharýashylyq baqylaý qyzmeti taǵy eki kompanııanyń daıyn ónimderiniń quramynda jeke kórsetkishter artyq bolǵanyn málimdegen bolatyn. Alaıda qazaqstandyq jáne Reseı Federatsııasynyń derbes zerthanalarynan eshqandaı zańbuzýshylyqtar anyqtalǵan joq. Qalyptasqan jaǵdaıǵa baılanysty QR QR Saýda jáne ıntegratsııa mınıstrligi Eýrazııa ekonomıkalyq komıssııasy alqasyna atalmysh máseleni komıssııa alańynda sheshý máselesi boıynsha júginýge májbúr bolǵan.

«Bıylǵy jyldyń 9 qazanynda qazaqstandyq taraptyń reseılik áriptesterimen ótken konsýltatsııasynyń qorytyndysy boıynsha qoıylǵan shekteýdi alyp tastaý sheshimi qabyldandy», - dedi mınıstrlikten.