Reseı Ýkraına daǵdarysyn retteýdi talqylaýǵa daıyn - Shoıgý

<p>Reseı Ýkraına daǵdarysyn janjaldan keıin retteý boıynsha pikir almasýǵa jáne ári qaraı Batyspen qatar ómir súrýge daıyn, dep málim etti RF Qorǵanys mınıstri Sergeı Shoıgý. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://tass.ru/armiya-i-opk/19149353" target="_blank" rel="noopener">TASS</a> agenttigine silteme jasap habarlaıdy.</p>

«Qajetti jaǵdaı jasalsa Ýkraına daǵdarysyn janjaldan keıin retteýge jáne ári qaraı Batyspen birlese ómir súrý jaıly saıası pikirtalasqa daıynbyz», - dedi ol X Sıanshan qaýipsizdik forýmynda sóılegen sózinde.

Shoıgý «beıbitshilik pen jahan turaqtylyǵyn saqtaýda erekshe jaýapkershilik júktelgen ıadrolyq alyptar – BUU Qaýipsizdik keńesiniń turaqty múshelerimen teń qarym-qatynasty qamtamasyz etý mańyzdy ekenin» atap ótti.

«Ádil, kóppolıarly beıbit tártip ornatý úshin halyqaralyq qaýipsizdik qurylymyn jańartyp, ony berik etý qajet. Ol úshin múddeles elder kúsh biriktirýi kerek», - dep atap ótti mınıstr.

H Sıanshan qaýipsizdik forýmy 29 qazanda ashyldy, 31 qazanǵa deıin sozylady.