Reseı terrıtorııalyq turǵyda talap qoıady degen alańdaýshylyǵymyz joq – Qasym-Jomart Toqaev

<p>Memleket basshysy Qasym-Jomart Toqaev Reseı tarapynan aýmaqtyq talap boıynsha esh qaýip joq ekenin aıtty, dep habarlaıdy QazAqparat tilshisi.</p>

Qasym-Jomart Toqaev Germanııa Federatıvtik Respýblıkasyna resmı saparmen bardy.

Federaldyq kantsler Olaf Sholtspen kelissózderden keıin tilshilerge bergen baspasóz máslıhatynda Prezıdent Qazaqstannyń Reseımen ekijaqty tarapta jáne tıisti ıntegratsııalyq birlestikter sheńberinde turaqty dostyq qarym-qatynasta ekenin aıtty.

«Qazaqstan men Reseı arasyndaǵy shekaraǵa kelsek, ol óz ýaqytynda delımıtatsııalanǵan jáne aıtarlyqtaı dárejede demarkatsııalanǵan, eki eldiń parlamentteri bekitken jáne ratıfıkatsııalaǵan. Sondyqtan bizde Reseı terrıtorııalyq turǵyda talap qoıady degen esh alańdaýshylyq joq», - dedi Qasym-Jomart Toqaev.