Reseı: Terakt bolǵan kúni Krokýstan 5 myńnan astam adam evakýatsııalanǵan

<p>MÁSKEÝ. KAZINFORM &mdash; Terakt bolǵan kúni Crocus City Hall ǵımaratynan 5 myńnan astam adam evakýatsııalandy, dep jazady&nbsp;<a href="https://tass.ru/proisshestviya/20344865" target="_blank" rel="noopener">TASS</a>.&nbsp;</p>

Kontsert zalynyń qyzmetkeri TASS-qa bergen suhbatynda: «Ǵımarattan 5 myń adam evakýatsııalandy», - degen. Onyń aıtýynsha, órt sóndirýshiler órtti sóndirý kezinde jertóleden jáne shatyrdan taǵy 100 adamdy qutqarǵan.

22 naýryz kúni keshke Krasnogorsk qalasyndaǵy Crocus City Hall ǵımaratynda terakt jasaldy.

Reseı Tergeý komıtetiniń málimetinshe, 137 adam qaza tapqan, qurbandar sany artýy múmkin.

Máskeý oblysynyń densaýlyq saqtaý mınıstrliginiń málimetinshe, 182 adam jaraqat alǵan.

Teraktige qatysy bar 11 adam ustaldy, onyń ishinde Ýkraına shekarasyna qaraı qashpaq bolǵan tórt tikeleı kináli de bar. Reseı prezıdenti Vladımır Pýtın teledıdar arqyly sóılegen sózinde, aldyn ala málimetter boıynsha, terakt jasaǵandardyń shekaradan ótýi úshin Ýkraına jaǵynda «tereze» daıyndalyp jatqanyn aıtty. Ol Crocus City Hall-ǵa shabýyl jasaǵandardyń barlyǵyn anyqtap, jazalaýǵa ýáde berdi.

El prezıdenti 24 naýryzdy jalpyulttyq aza tutý kúni dep jarııalady.