Reseı «Talıbandy» lańkestik uıymdar tiziminen shyǵarý máselesin qarastyryp jatyr

<p>ASTANA. KAZINFORM &ndash; Reseıdiń beıindi vedomstvolary &laquo;Talıbandy&raquo; lańkestik uıymdar tiziminen shyǵarý máselesin qarastyryp jatyr. Bul týraly Reseı Syrtqy ister mınıstrliginen málimdedi, dep habarlaıdy <a href="https://iz.ru/1675350/2024-04-01/mid-rossii-i-miniust-rassmatrivaiut-iskliuchenie-talibana-iz-spiska-terroristov" target="_blank" rel="noopener">&laquo;Izvestııa&raquo; </a>basylymy.</p>

«Tálipter qozǵalysynan lańkestik uıym mártebesin alyp tastaýǵa keletin bolsaq, bul máseleni Reseıdiń Syrtqy ister, Ádilet mınıstrlikteri jáne basqa da tıisti vedomstvolar zerttep jatyr», - dep habarlady RF SІM.

Atap ótilgendeı, sońǵy sheshimdi el basshylyǵy qabyldaıdy.

BUU Qaýipsizdik Keńesi 2003 jyly tálipter qozǵalysyn terrorıstik uıymdar tizimine engizgen. Sol jyly Reseı Joǵarǵy soty «Talıban» qozǵalysyn terrorıstik uıym dep tanydy.

2021 jyldyń mamyr aıynda elde 2001 jyldan beri bolǵan amerıkalyq áskerler Aýǵanstannan shyǵarylǵannan keıin qozǵalys músheleri eldiń iri qalalaryna shabýyl jasap, 15 tamyzda Kabýlǵa kirip, soǵystyń aıaqtalǵanyn, al 7 qyrkúıekte ýaqytsha úkimettiń quramyn jarııalady.

Eske sala ketsek, ótken jyldyń jeltoqsan aıynda Qazaqstan bıligi «Talıban» qozǵalysyn tyıym salynǵan uıymdar tiziminen shyǵarý týraly sheshim qabyldaǵan bolatyn.