Reseı sheteldik ınternet-platformalardy shekteý máselesin joqqa shyǵarmaıdy

MÁSKEÝ. TASS – QazAqparat – Reseı Federatsııasynyń prezıdenti Vladımır Pýtın jaýlyq áreketter anyqtalǵan jaǵdaıda sheteldik ınternet-platformalarǵa shekteý qoıý máselesin qabyldaýy múmkin ekenin málimdedi, dep habarlaıdy QazAqparat TASS agenttigine silteme jasap.

Vladımır Pýtınniń aıtýynsha, el bıligi Reseıdiń «óziniń» balamaly ónimi bolmaıynsha «eshteńeni qolǵa almaıdy».

«Máselen, men de birdeńeni burap bekiterlik nıet joq. Biraq qandaı da bir jaýlyq áreketter iske asyrylsa, men mundaı áreketti (shekteýdi) joqqa shyǵara almaımyn. Bizdiń elge qarsy jaýlyq áreketterge jol berilmeıdi», - dedi Vladımır Pýtın reseılik BAQ-tyń bas redaktorlarymen kezdesý barysynda.

«Burap bekiterlik jaǵdaı ózimizdiń múmkindigimiz bolǵanda ǵana bolady. Bári de sol kezdegi jaǵdaıǵa baılanysty», - deıdi reseılik kóshbasshy.

Onyń oıynsha, eger sheteldegiler «balama baryn kórse, osy naryqta monopolııalyq tártipke ıe bolmasa, ózderin basqasha ustaıdy».

«Bizdiń azamattarǵa problema týyndatarlyq jáne qoldanýshylarǵa kedergi bolarlyq qoldan eshteńe istemeımiz. Sebebi ol ádis bizge unamaıdy. Joq, árıne. Alaıda jasyryn shabýyldarǵa kelsek, álbette oǵan jaýap bermeı otyra almaımyz. Meniń oıymsha, olar naryqtaǵy monopolııasyn joǵalta bastaǵanyna qaraı jaǵdaıdy túsine bastaıdy», - dedi ol.