Reseı shekarashylary 17 tonna nasybaıdy Qazaqstanǵa qaıtardy

ASTANA. QazAqparat – RF Chelıabi shekara beketiniń mobıldi toby Qazaqstannan zańsyz ákelingen 17 tonna nasybaıdyń izin kesti, dep habarlaıdy QazAqparat RF federaldy keden qyzmetine silteme jasap.

Júk tıelgen kólikti shekarashylar Býgrıstoe beketinde toqtatqan.

Júk kóliginiń tirkemesinen jasyl tústi kúdikti untaq salynǵan 500 qap tabyldy.

Qujatqa sáıkes, mashına Qyrǵyzstannan Chelıabınskke bet alyp, aǵash kúli men temeki shıkizatyn ákele jatqan.

Alýshynyń aıtýynsha, ol baqsha ósimdikterine arnalǵan tyńaıtqyshqa tapsyrys bergen.

Júrgizilgen saraptama kórsetkendeı, qaptarǵa nasybaı salynǵan. Ony «qara» naryqta 25,5 mln rýblge baǵalaıdy.

Nasybaı partııasy Reseıden shyǵaryldy.