Reseı shahtasyndaǵy jarylys: Aman qalǵan eshkim joq
07:52, 26 Qarasha 2021
MÁSKEÝ. TASS - QazAqparat - Reseıdegi «Lıstvıajnaıa» shahtasyndaǵy jarylystan aman qalǵandar joq. Óndiristik apat saldarynan qaza bolǵandardyń jalpy sany alty taý-ken qutqarýshysyn qosa alǵanda, 52 adamdy qurady. Bul týraly QazAqparat TASS aqparat agenttigine silteme jasap habarlaıdy.
Aldyn ala málimetke sáıkes, shahtada eshkim aman qalǵan joq. 52 adam, sonyń ishinde alty taý-ken qutqarýshysy qaza boldy», - delingen agenttik habarlamasynda.
Qaza bolǵandardyń kóbiniń denesi shahtada jatyr.
Eske sala ketsek, buǵan deıin Resıde shahtadaǵy jarylystan qaza bolǵan 11 adamnyń denesi anyqtalǵany týraly habarlanǵan bolatynbyz. Shahtadan barlyǵy 46 adam bolǵan, sonyń ishinde qaza bolǵan 11 adam shyǵa almaǵan, qutqarý operatsııasy jalǵasyp jatyr.