Reseı shahtasynda eki jumysshy úıindi astynda qalyp qoıdy

<p>ASTANA. KAZINFORM - Reseıdiń Sverdlov oblysyndaǵy &laquo;Kalınskaıa&raquo; shahtasynda eki kenshi úıindi astynda qalyp qoıdy. Bul týraly Severýralsk boksıt kenishiniń (SÝBR) baspasóz qyzmeti habarlady, dep jazady <a href="https://tass.ru/proisshestviya/20345459" target="_blank" rel="noopener">TASS.</a></p>

«Taý jynysy opyrylýy saldarynan «Kalınskaıa» shahtasynda apat bolyp, eki kenshi úıindi astynda qaldy. Olar sıgnal berip jatyr», - dep habarlady kompanııa.

Keıinirek Tótenshe jaǵdaılar mınıstrliginiń oblys boıynsha baspasóz qyzmeti qutqarýshylardyń basyp qalǵan kenshilerdiń birine jetkenin habarlady.

«Jedel aqparatqa sáıkes, taý-ken qutqarýshylary zardap shekkenderdiń birine jetip, onyń jolyn ashyp jatyr», - dep habarlady baspasóz qyzmeti.

Oqıǵa ornyna áskerılendirilgen taý-qutqarý jasaǵynyń eki bólimi keldi. Qutqarý jumystary jalǵasyp jatyr.

«Severoýralsk prokýratýrasy taý-ken jumystaryn júrgizý kezindegi qaýipsizdik talaptarynyń, sondaı-aq shahtadaǵy taý jynystarynyń jarylýyna baılanysty eńbekti qorǵaý zańnamasynyń saqtalýyna tekserý uıymdastyrdy. Ony júzege asyrýǵa basqa qadaǵalaý organdarynyń mamandary tartylady», - dep habarlady departamenttiń baspasóz qyzmeti.