Reseı Sankt-Peterbýrgtegi kezdesýge Qazaqstan basshylyǵynyń qatysýyn kútip otyr

MÁSKEÝ. QazAqparat – Máskeý Qazaqstannyń Tuńǵysh Prezıdenti – Elbasy men Qazaqstan Prezıdentiniń EýrAzEQ jáne UQShQ-ǵa múshe elder kóshbasshylarynyń Sankt-Peterbýrgtegi jyl saıynǵy beıresmı kezdesýine qatysýyn kútip otyr. Bul týraly Reseı prezıdenti Vladımır Pýtın jyl saıynǵy reseılik jáne sheteldik BAQ ókilderimen ótkizgen baspasóz máslıhatynda aıtty, dep habarlaıdy QazAqparat menshikti tilshisi.

«Qazaqstan – bizdiń eń jaqyn odaqtastarymyzdyń biri. Bizde biregeı qarym-qatynas qalyptasty. Ony Qazaqstannyń Tuńǵysh Prezıdenti Nursultan Ábishuly Nazarbaev ornatty jáne qazir bul baǵytty Prezıdent Qasym-Jomart Toqaev ustanyp, osy qarym-qatynasty qoldaýda», - dedi V. Pýtın.

Ol koronavırýs pandemııasy josparlanǵan birqatar birlesken is-sharalardy ótkizýge múmkindik bermegenin atap ótip, Qazaqstan Prezıdenti men Qazaqstannyń Tuńǵysh Prezıdenti - Elbasynyń Reseı Federatsııasy basshysynyń shaqyrýyn qabyldap, kelesi aptada Sankt-Peterbýrgke EýrAzEQ jáne UQShU músheleriniń dástúrli beıresmı kezdesýine keletinine úmittenetinin jetkizdi.

«Buǵan senim artyp otyrmyn. Qazaqstan basshylyǵy aldyn ala rejımde buǵan kelisti», - dedi ol.

Avtory Narymbek Ysmaǵulov