ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy QazAqparat tilshisi.
Kúndizgi saýda-sattyq málimetine qaraǵanda, dollar baǵamy 1,90 teńgege tómendep, 1 dollar 445, 65 teńge boldy.
Aıta keteıik, Ulttyq banktiń 21 aqpandaǵy resmı baǵamy – 1 dollar úshin 447, 68 teńge boldy.
Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy – 447 teńge, satyp alý – 451 teńge.
Al, Astana qalasy boıynsha satý baǵamy – 447,5 teńgeden bolsa, satyp alý – 450,5
Almatyda Reseı rýbli 5,7 – 6,05 teńge, elordada 5,93 - 5,95 teńgeden satylýda.
Alma Muqanova
Alma Muqanova T. Júrgenov atyndaǵy óner akademııasynyń «Kıno jáne Televızııa» fakýltetiniń túlegi. Jýrnalıstıka salasynda 20 jyldan beri eńbek etip keledi. Aımaqtyq, respýblıkalyq telearnalarda túrli qyzmetter atqarǵan. 2019 jyldan beri - QazAqparat agenttiginiń tilshisi. QR Jýrnalıster odaǵynyń múshesi.