Reseı «Proton» zymyrandaryn shyǵarýdy toqtatady

MÁSKEÝ. QazAqparat - Jyl sońyna deıin aýyr klastaǵy «Proton-M» tasymaldaýshy zymyrandaryna arnalǵan qozǵaltqyshtardy shyǵarý toqtatylady. Bul týraly «Energomash» ǵylymı-óndiristik birlestiginiń bas dırektory Igor Arbýzov málim etti.

RIA Novostı taratqan habarlarǵa qaraǵanda, buryn «Roskosmos» basshysy Dmıtrıı Rogozın qazirgi kelisimsharttar oryndalǵannan keıin «Protondardyń» shyǵarylýyn toqtatý mindetin qoıǵan. Budan bylaı ǵaryshqa tek «Angar» zymyrandary ushyrylady.

«Jyl sońyna deıin qozǵaltqyshtar óndirisin toqtatamyz. «Proton» zymyrandaryn ushyrý boıynsha jańa kelisimsharttar jasalmasa, keler jyldan bastap bular shyǵarylmaıdy», - deıdi Arbýzov.

Osyǵan baılanysty, «Proton-PM» qozǵaltqyshtaryn shyǵarýdyń ornyna birlestik janarmaı-energetıka keshenderine arnalǵan ónimder shyǵarý, avıatsııalyq qozǵaltqyshtar bazasynda gaz-týrbınalyq qondyrǵylardy synaqtan ótkizý, gaz-týrbınalyq elektr stantsııalaryn qurastyrý jáne synaqtan ótkizý sııaqty mindetterdi atqaratyn bolady.