Reseı «Proton»-dy ary qaraı ushyrýǵa ruqsat surap otyr

ASTANA. 11 qyrkúıek. QazAqparat - Reseıdiń «Roskosmos» federaldyq ǵarysh agenttigi Qazaqstan Úkimetinen «Proton» úlgisindegi zymyrantasyǵyshtardy Baıqońyr ǵarysh aılaǵynan ushyrý jumysyn jalǵastyrýdy surap otyr.

Osyǵan baılanysty búgin Astanada «Proton-M» apatynyń zardabyn joıý boıynsha qurylǵan arnaıy jumys komıssııasynyń otyrysynda Roskosmos basshysynyń orynbasary Sergeı Savelev QR Qorshaǵan ortany qorǵaý mınıstrinen kómek surady. «Reseıdiń ulttyq ǵarysh baǵdarlamasyndaǵy «Proton» zymyrantasyǵyshynyń ornyn, sondaı-aq bizdiń halyqaralyq sharttar boıynsha alǵan mindettemelerimizge baılanysty men Roskosmostyń atynan Qazaqstannyń Qorshaǵan ortany qorǵaý mınıstri Nurlan Qapparovtan Úkimet deńgeıinde «Proton» úlgisindegi zymyrantasyǵyshtardy ushyrýdy ary qaraı jalǵastyrý máselesin sheshýge yqpal jasaýdy suraımyn», - deıdi S.Savelev. Aıta keteıik, sońǵy ret Baıqońyr ǵarysh aılaǵynan ushyrylǵan «Proton» zymyrantasyǵyshy apatqa ushyrady. Sonyń saldarynan geptıl atty ýly otynnyń biraz bóligi bizdiń jerimizge tógildi.