Reseı prezıdenti Vladımır Pýtın Ózbekstanǵa keldi

<p>TAShKENT. KAZINFORM &ndash; Reseı prezıdenti Vladımır Pýtın memlekettik saparmen Ózbekstanǵa keldi. Ony áýejaıdan Shavkat Mırzıeev kútip aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.&nbsp;</p>

Sapar baǵdarlamasyna sáıkes, eki el basshylary joǵary deńgeıde kelissózder júrgizbek. Onyń barysynda jan-jaqty strategııalyq áriptestik pen odaqtastyq jáne ózbek-reseı qatynastaryn odan ári damytý máseleleri talqylanady.

Foto: Ózbekstan prezıdentiniń baspasóz qyzmeti

Ózbekstan basshysynyń baspasóz qyzmetinen málim etkendeı, kezdesý aıasynda taraptar taýar aınalymyn arttyrý, kooperatsııalyq jobalardy ilgeriletý, mádenı-gýmanıtarlyq baılanystardy nyǵaıta túsýge erekshe nazar aýdarady.

Sammıt qorytyndysy boıynsha birqatar qujatqa qol qoıý josparlanǵan. Sonymen qatar Vladımır Pýtın men Shavkat Mırzıeev Reseı men Ózbekstan óńirleri keńesiniń birinshi otyrysyna qatysady. 

Eske sala keteıik, buǵan deıin Reseı prezıdenti Vladımır Pýtın 26-27 mamyrda Ózbekstanǵa memlekettik saparmen keletinin jazyp edik.

Reseı basshysy keıingi ret Ózbekstanǵa 2022 jyly qyrkúıek aıynda Samarqandaǵy ShYU-nyń (ShYU) sammıtine qatysý úshin kelgen.